Pandemia osteko gorabeherak gaindituta, jatorrizko izaera ibiltaria berreskuratzen dau EuskarAbenturak. Garagarrilaren 1etik 31ra bitartean 128 euskal gaztek Euskal Herri osoa zeharkatuko dabe, oinez eta euskaraz. 31 etapatan 700 kilometrotik gora egingo dabez, Maulen hasi eta Getxon amaituz. Igone Mariezkurrena komunikazino arduradunak azaldu deuskunez, "aurtengo espedizinoa berezia izango da, jatorrizko izaerara itzuliko dalako, inoizko indartsuena eta jentetsuena izango dalako".