Unai Lasok Baiko Pilota enpresan jokatuko dau hurrengo bost urteetan, gitxienez. Aurrelari nafarraren kontratua datorren urtean amaitzen bazan be, enpreseak eta jokalariak 2027ra arteko kontratua barria adostu dabe. Ez da ahaztu behar, orain dala urte bete inguru Unai Laso afizionadu mailan ebilela jokatzen Baikorekin eukan kontratua amaitu ostean. Profesional mailara itzulita, Lasok sekulako mailea erakutsi dau eta buruz buruko txapela eskuratzea lortu dau final aurrekoan Altuna menderatuta eta finalean Joseba Ezkurdiari irabazita.