Mikel Urdangarinek eta BOSek kontzertua eskainiko dabe abuztuaren 20an, Aste Nagusian

 Mikel Urdangarinek eta Bilboko Orkestra Sinfonikoak euren urteurrenak ospatzen dabilz. Zornotzako musikariak 25 urte bete dauz musika munduan eta BOS-ek, ehun. Urteurrenak ospatzeko, '100/25 BOS - Mikel Urdangarin' proiektua jarri dabe martxan. Alkarregaz grabautako disko bat kaleratuko dabe udagoien amaieran eta kontzertu batzuk be eskainiko dabez formatu horretan. Lehenengoa, abuztuaren 20an, Bilboko Aste Nagusian, Abandoibarran.