Irailaren 28ra arte zabalik egongo dan Silexaren bila. Euskal kostaldeko lehen biztanleak aldi baterako erakusketearen barruan, Bizkaiko Foru Aldundiaren Arkeologi Museoak bisita gidatu berezi bat antolatu dau eguen honetarako, abuztuaren 21erako, arratsaldeko 18:00retan, museoko arkeologoa eta erakusketearen komisario zientzialaria dan Diego Garate Maidagan doktorearen gidaritzapean.
Foru Aldundiak jakinarazo dauenez, bertara hurreratzen diranek aukerea izango dabe Bizkaiko baliabide naturalak ustiatzeko izan ziran lehenengo moduak ezagutzeko, Uribe Kostako silex-azaleratzeetan topautako zenbait tresna prehistorikori nahiz Bizkaia, Gipuzkoa, Araba eta Nafarroako beste aztarnategi batzuetan topautako beste tresna batzuei esker.