'Narrazioak eta olerkiak 2013' liburua webgunean ipini barri dau Euskaltzaindiak

Euskaltzaindiak Narrazioak eta olerkiak 2013 liburua euskarri digitalean eskaintzen dau bere webgunean. Argitalpen digital hau BBK-Euskaltzaindia literatura atalaren barruan kokatu dabe, Azkue sariketak (Haur eta Gazteak) azpiatalean. Liburua osotzen daben kontakizunak eta poemak banan-banan konsultau daitekez.

Atal horretan, sarituak izan diran ume eta gazteen idazlan guztiak zerrendatu dira, eta ganera 1991tik aurrera saritutako narrazino eta olerki guztien bersino digitala eskaintzen dabe. 2010eko deialdian sarituak izan ziranen lanak zerrenda horren amaieran ikusi daitekez.

Euskaltzaindiak eta Bilbao Bizkaia Kutxa Fundazinoak urtero deitzen dabe Azkue lehiaketea, eta urtero argitaratzen da liburua. Eskola-umeak eta gazteak literaturara bultzatzeaz ganera, euren artean irakurketea indartzea da sarion helburua.