Latin eta greziar persona-izen klasikoen araua osotu, eguneratu eta emendau dau Euskaltzaindiak

1997an, 76. araua onartu eban Euskaltzaindiak: Latin eta greziar persona-izen klasikoak euskeraz emoteko erispideei buruzko erabagia. Hamezortzi urte igaro dira araua emon zanetik, eta gaur egun euskera batuan argitaratzen diran lanetan (eskola-liburuak, entziklopediak, hiztegiak, literaturea, komunikabideak...), guztiz zabalduta dago arauan emondako eredua.

Hori ikusirik, 1997ko araua osotzea eta emendatzea edo zuzentzea erabagi dau Euskaltzaindiak; horregaitik, arauaren bigarren bersinoa onartu dau, lehenengo bersinoa ordezteko.

Arauaren lehen bersinoak 357 izen batu zituan. Orain, barriz, 209 izen gehiago erantsi dira. Greziar eta erromatar persona-izenez gan, beste zibilizazino eta inperio garaikide garrantzitsu batzuetako persona-izen batzuk be sartu dira, besteak beste, Kartago, Fenizia, Partia eta abarretakoak (Hanibal, Hasdrubal, Kosroes, Mitridates, Seleuko…) Beraz, 566 persona-izenez osotutako izendegi greko-erromatar bat dauka arauaren bigarren bersinoak.

1997ko zerrendan, latinezko edo grekozko izenez gan, gaztelaniazko eta frantsesezko ordainak ezarri ziran, baina ingelesezko ordainak ez ziran emon. Orain, persona-izen horreen guztien ingelesezko ordainak be erantsi dira.

Horrezaz gan, zenbait datu osotu dira, berbarako gaztelaniazko eta frantsesezko ordainak.