Bere ibilbideko bigarren diskoa plazaratu barri dau Mikel Inunziaga, Inun zornotzarrak. Euskal idazleen olerkiei musikea ipinita sortu ditu Da nola diskoko kantak. Kantautorea dan ezkero, ohituta dago abesti guztietako berbak eta doinuak berak idaztera, baina beste batzuen poemak musikatuta be gustura ibili dala dino. Azkenerako, olerkiak bere egin dituala azaldu dau. Diskoa zuzenean aurkezteko, banda baten laguntzinoa izango dau Inunek, baina bakarlariaren espirituari ez ei deutso uko egingo.