Bizkaie!

Donostia Kulturak Adarra Saria sortu dau, euskal musikearen alorrean jardun dauen artista baten ibilbidea eta lana autortzeko. Sari hori urtero emongo da Victoria Eugenia Antzokian, bagilaren 21ean, Musikearen Europako Egunean.

Nerea Txapartegi Donostiako Udaleko Kultura arduradunak eta Miguel Martin Donostia Kulturako Musika arloko arduradunak emondako prentsaurrekoan azaldu dabe saria eskultura bat izango dala eta Donostia Kulturak Marijose Recalde artista iruindarrari egin deutso sariaren garaikurra egiteko enkargua. Lana irudi neutro bat da, adar bat dauena, musikearen jatorria iradoki guran, adarrak ...

Tartean Teatroa eta Ez Dok Hiru Bikoteatroaren Lingua Nabajorum antzezlanak irabazi dau Donostiako Udaleko Euskara Zerbitzuak eta Donostia Kulturak antolatzen daben Donostia Antzerki Sariaren XIV. edizinoa. Saria emoteko ekitaldia Antzerkiaren Nazinoarteko Egunean izango da, martiaren 27an, 20:00etan, Victoria Eugenia Antzokian. Ondoren, antzezlana eskainiko dabe Patxo Telleria eta Mikel Martinez aktoreek.

Talde irabazleak 10.000 euro eta Dora Salazaren serigrafia bat jasoko ditu; 8.000 euro orain eskuratuko ditu eta ganerako 2.000 euroak jasoteko, 2016. urtea amaitu aurretik euskerazko ...

Cristina Uriarte Hezkuntza, Hizkuntza Politika eta Kultura sailburuaren proposamenez, Eusko Jaurlaritzako Gobernu Kontseiluak Gure Artea sariak arautu eta horreetarako deialdia egiten dauen agindua onartu dau. Arte plastikoak eta ikusizkoak sustatzea dabe helburu sariok.

Aurtengo deialdian, Gure Artea sariak hiru ataletan banatuko dira: ibilbide artistikoa autortzeko saria, 25.000 eurokoa eta persona fisikoei zuzendua; sorkuntza lana autortzeko saria, 25.000 eurokoa eta persona fisikoei zuzendua; eta ikusizko arteen arloan eragileek egindako lana autortzeko saria, 15.000 eurokoa, eta persona fisiko nahiz ...

Zezeilaren 28an, Euskaltzaindiak Osoko bilkurea egin eban Donostia, Gipuzkoako Foru Aldundiaren egoitzan. Baionan edegitako gogoeta-aldiak orain arte emon dituenak berretsi ditue. Euskaltzaindiko zuzendaritzeak eta Gramatika batzordeak akordioa lortu dabe lan batzuk egiteko, eta holan, besteak beste, batzordeak Euskal Gramatikaren Lehen Urratsak lanaren eguneratzea eta moldaketea egingo dau, Donostian batutako eta ordezkatutako euskaltzain oso guztien adostasunez halan erabagita.

Euskaltzaindiaren Gramatika batzordeko 15 kideek dimisinoa emon eben igaz, abenduaren hasieran. Hilaren 20an, osoko bilkurea egin eben Baionan, eta orduan ebatzi eben ...

Bizkaiko Foru Aldundiak XV. Pedro Mari Unanue Bilbo-Bizkaia Nazinoarteko Lehiaketan parte hartzeko deialdia egin barri dau. Eskaerak aurkezteko epea bagilaren 6an amaituko da. Kanporaketa-probak zemendiaren 22an hasiko dira.

Pedro Mª Unanue Bilbo-Bizkaia Lehiaketearen helburu nagusia gaitasun lirikoak dituen personak aurkitzea eta euren ibilbide artistikoen hasieran laguntzea da, Aldundik iturriek adierazo dabenez. Nazinoarteko edozein abeslari lirikok parte hartu ahal dau: soprano, mezzosoprano, kontralto, kontratenore, tenore, baritono eta bajuek.

Parte-hartzaileek epaimahaiaren aurrean, zuzenean, kantau beharko dabe. Maria Bayo soprano nafarra izango ...

Martiaren 7an hasiko da eta, sei kanporaketa saio egin ostean, maiatzaren 11n izango da bat-bateko finala Arrasaten. Lehenengo saioa datorren barikuan izango da Zarautzen eta, ganerako kanporaketa saioetan lez, hiru ekimen izango dira: idatzizko sariketea, saio didaktikoa eta bat-bateko txapelketearen kanporaketea.

Bertsopapel ariketea Zarauzko Oteiza Lizeoan izango da, arratsaldeko 15:00etatik 16:00etara. Zarauzko eta Orioko Ikastolek, Getariako Iturzaeta eskoleak, Zumaiako eskoleak eta Hernaniko BHI-ko 205 ikaslek hartuko dabe parte.

Ondoren, arratsaldeko 16:30etik, 17:30era, Saio didaktikoa izango da ...

Txarrenen artean onenak eurak dirala dinoe Txapelpunkekoek, eurak eta beste hainbat lagun, onenetan onenak badakigu-eta nortzuk diran, betikoak. Eta horreek, alderdi politikoak, bankariak, politikariak dira Lekeitioko laukotearen behar barriko protagonistak. Inozkoen errazen sortu ditu kanta barriak Iñigitok, bederatzi hilebete eskasean. Daborduko hainbat hitzordu ditue diskoa zuzenean aurkeztezko; barikuan, hilak 7, Gasteizko JimmyJazz aretoan joko dabe.

Diskoaren aurkezpena Bilboko Kalderapekon egin dabe Iñigito eta Atrofi anaiek, eta eurekaz Baga-bigako Ritxi Aizpuru izan da. Egoereak berak kantak idazten lagundu deutsola ...

Bermeoko Arrain Azokea maiatzaren 16, 17 eta 18an izango da, eta aurten, XX. edizinoa beteko dau. Arrain Azokea euskal produktu eta kulturearen erakusleiho aparta dala adierazo dau Bermeoko Udalak, eta haren alde egiten dauen apustua berretsi dau. Izan be, Bermeoko Udalak jakinarazo dauenez, 1994. urtetik egiten dan Arrain azokea, lehenengoa da Euskal Herrian eta gaur egun mueta honetako azoken artean garrantzitsuena da Euskal Herri mailan.

Bermeoko Arrain Azokea erreferentea izateko alkarlanean dabilz Udala, kontserbagileak eta erakundeak. Oso garrantzitsua da ...

Euren orain arteko ikerketen kalidadeagaitik, eta egin daben proposamen erakargarriagaitik, Oiane Valero eta Jose Mari Uriarte historialari bizkaitarrak izango dira Timoteo bekearen onuradunak. Bi proposamen baino ez ziran aurkeztu lehiaketara, baina epaimahaiak nahiko argi euki eban euren proposamena sakona eta landutakoa zala. Valero historian lizentziautakoa da; Uriarte historian doktore eta filosofia eta letretan lizentziaua da. Euskal Memoria Fundazinoko kide dira biak.

Helburu bikotxa dauka bekeak. Batetik, Timoteoren figurea aztertzea, bere historia, militantzia eta heriotzea zelakoak izan ziran argitzeko. Igaz egindako ...