EH Bilduren eskariz, diru publikoz finantzatutako kanpainen jarraipen zehatza egingo du Udalak sexismoa saihesteko

Astebeteko epean, EH Bilduko udal taldeak izaera sexista duten bi publizitate kanpaina salatu behar izan ditu, biak Bilboko Udalak diruz lagunduta, Bilbao Ekintzaren bidez. Gaia gaurko Osoko Bilkurara eraman dugu eta gobernuarekin adostu dugu hemendik aurrera Udalak zein bere menpeko erakundeek dirulaguntzak emanez bultzatzen dituzten publizitate kanpainen jarraipen zehatza egingo duela.