Sekula egin ez den ariketa antolatuko da orduan, Euskaraldia, eta kaleak belarriz eta ahoz beteko dira. Mundu-mailan aitzindariak izango gara nonbait, euskara lanabes eta eta Euskal Herria jokaleku, gure hizkuntza-ohiturak aldatzeari ekingo diogulako.
Igandean lehengo urratsa egingo dugu Bibon eguerdian. Nor bere auzotik irten eta Eliptika plazan batuko gara. Bertan, Euskaraldian parte-hartzeko emango dugu izena, prest gaudelako euskara nonahi, edonorekin eta edonoiz erabiltzeko.
Jolas moduko bat izango da: batzuek jolastera gonbidatuko zaituzte eta besteek zurekin olgatuko dute zuzenean. Helburua: euskararen erabilera igotzea, kontua ekitea baita, egitea.
Zu ere prest bazaude, igandean ez galdu lehen euskara-jasa!