uriola.eus

Urria: lehenengo zita

Erabiltzailearen aurpegia   Iritzia

Hasierak beti izaten dira bereziak. Itxaropena ematen dute.

Urria: lehenengo zita
"Puerto Banús" Ricky Salvatierrak egina, CC BY-NC-SA 2.0 lizentziapean | Ikusi handiago | Argazki originala

Dena da estreinakoa, dena fantasia, dena ilusioa. Zu zarena, eta izan zaitezkeena ere bai. Misterio puntu bat ere badu eta horrekin jolasten ikasi behar da. Dena da posible, dena gertagarri, dena pozgarri, edozein buruhaustegai ere bai.

Uriolan tarteka idatzi arren, hilabetean behin idazteko konpromisoa hartu dut eta uztailera arte iritziari, zernahi den horri ere, emana izango naiz zuekin. Dena dago egiteke, dena esateke, denari barre egiteke. Batek jakin nola amaituko dugun udan, lehenago ez badugu mozten edo beste bat ezagutzen, baina nire aldetik saiatuko naiz, ahaleginduko naiz, lehenengo zitako tentsioari eusten. Ez dut esaten lortuko dudanik, baina urri hasiera, edozein hilabete hasiera bezala, oso aproposa da asmo berriak plazaratzeko. Hala izan bedi, azarora arte!

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa