Durangoko Azoka euskal sortzaileen ekitaldi nagusi bihurtu da. Idazleek, musikariek, editorialek, kultur erakundeek, Azokari begira egiten dute lan urtearen zati handi batean eta bertan saltzen dute produkzioaren parte inportante bat. Bestalde, erakustoki garrantzitsu bihurtu da gure kultura lantzen ari den askorentzat eta ez ditzagun ahaztu komunikabide handietara iristeko arazoak ditutuzten ekoizle txikiak, beste inon agertzeko apenas aukerarik dutenak.
Baina Azoka gainezka eginda dago. Durangon astebeterako ostatua hartu eta egunero joaten ez bazara, ezinezkoa da osorik eta patxadaz ikustea. Beraz argi dago beste azoka bat ala batzuek behar ditugula, beste data batzuetan, Durangon bertan ala beste nonbait. Urteko gure produkzioa eta erosketak zatitzeak guztioi egingo liguke mesede, ekoizleei, sortzaileei eta erosleei, Euskal Herriari azken batean.