Txosnagane mendia hainbat izenekin da ezaguna: Biderdi, Ganetxiki eta Larrentxu, besteak beste. Pagasarri eta Ganekogorta gainen artean dago, eta 877 metroko altuera dauka.
Bi ibilbide ezberdin ezarri dituzte antolakuntzatik, biak San Adrian auzotik irtenda: laburra, 13,6 kilometrokoa (582 metroko desnibelarekin); eta luzea 19,17 kilometrokoa (967 metroko desnibelarekin). Parte-hartzaileen kopurua 65 eta 30 bikotekoa izan da, hurrenez hurren.
Azken urteotan legez, helmuga Atxuriko Enkarnazio Plazan kokatuta egon da, bertako auzo-jaiekin bat egiten. Mendizaleek han aurkitu dute indarrak berreskuratzeko beharrezkoa den guztia; bertan ere izan da parte-hartzaileentzako opari eta sari-banaketa. Honako hauek izan dira irabazleak:
Ibilbide laburra:
Izaskun Hurtado / Josu Santiesteban eta Xabier Notario / Ángel García
Denbora: 3.19.00
Ibilbide luzea:
Zuriñe López / José Val
Denbora: 4.38.00
Zozketa (Bi pertsonentzako afaria Kalderapeko jatetxean):
Maitane Turrillas / Jorge Guaza