uriola.eus

Bilboko Konpartsek ez dute San Tomas egunik ospatuko

Erabiltzailearen aurpegia   Jaiak

Gaur egungo egoera dela eta, abenduaren 21ean Bilboko Konpartsek ez dute sukalde eta kultur programaziorik antolatuko.  Federazioak lehen sektorea eta elikadura burujabetza babesteko deialdia zabaldu du, jai herrikoiak, herri kultura eta zerbitzu publikoak defendatzearekin batera. 

Gaur goizean kaleratutako ohar baten bidez eman dute horren berri. Hemen oharra: 

"Urtero-urtero konpartsok ahalegina egin ohi dugu San Tomas egunean, bertoko ekoizpena zein elikadura-eredu burujabe baten aldeko apustua egiteko. Helburu horrekin, San Nikolas elizako ingurua dinamizatu dugu urteotan, umeentzako emanaldiak, bertsoak, txalaparta, erromeria, kantu-kalejira eta bertoko jana eta edana eskainita.

Aurten berriz, Covid-19 gaitzaren zabaltze handiak ez du bermatzen nekazaritzaren festa handian konpartsok egiten dugun programazioa eta ospakizuna burutu ahal izatea. Beraz, gaur egungo osasun-egoera dela eta, konpartsok erabaki dugu jarduerarik ez antolatzea abenduaren 21ean, prenbentzioa eta elkar-zaintza printzipioetatik abiatuta.

Konpartsok abuztuan iragarri genuen bezala, San Tomas eta Aratusteak ez ziren erronka errazak izango, Covid-19ak bertan segituko duelako, ezusteko zoriontsuren ezean. Orduan egin bezala, jai herrikoiak, parte-hartzaileak, feministak, euskaldunak eta ekologistak babestera deitu dugu. Osasun-krisiarekin batera etorri den krisi ekonomikoa betikook ordain ez dezagun."

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa