Bilboko konpartsek aste hasieran azaldu zutenez, “bitxia da, baina apenas afekziorik izango ez zuela esan zuten arren, handik ibiltzea eragotzi dute, bidezidorrak berak baino trafiko gutxiago duen makroegitura hori egiteko”.
Txosnagane mendia hainbat izenekin da ezaguna: Biderdi, Ganetxiki eta Larrentxu, besteak beste. Pagasarri eta Ganekogorta gainen artean dago, eta 877 metroko altuera dauka.
Bi ibilbide ezberdin ezarri ditu antolakuntzak, biak San Adrian auzotik irtenda: laburra, 13,6 kilometrokoa (582 metroko goranzko desnibelarekin); eta luzea 19,17 kilometrokoa (967 metroko goranzko desnibelarekin).
Ibilbide biak Bolintxu errekaren ondotik igarotzekoak ziren, Bilboko paraje natural bakarretakoa, eta mendizaleek asko estimatutakoa; baina debekuagatik desbideratu dira. Bilboko konpartsek salatu dute Supersurren lanak direla eta “suntsitzeko mehatxupean” dagoela Bolintxu.
Azken urteotan legez, helmuga Atxuriko Enkarnazio Plazan kokatuta egon da, bertako auzo-jaiekin bat egiten. Mendizaleek han aurkitu dute indarrak berreskuratzeko beharrezkoa den guztia; bertan ere izan da parte-hartzaileentzako opari eta sari-banaketa.
Honako hauek izan dira irabazleak:
● Ibilbide laburra:
● Nerea Lopez / Andrea Abaskal
● Denbora: 03.28.30 (bataz bestekotik 02.38ra)
● Ibilbide luzea:
● Itziar Orbegozo / Josu Naveda
● Denbora: 04.27.43 (bataz bestekotik 00.48ra)
● Zozketa (bi pertsonentzako otordua Kalderapeko jatetxean):
● Asier Vega / Iker Maya
● Zozketa (arropa eta materiala Landaburu kiroldendan):
● Ane Villabuenaa / Lucia Peral
Txosnaganeko ibilbide laburra (berria):
https://es.wikiloc.com/rutas-
Txosnaganeko ibilbide luzea (berria):
https://es.wikiloc.com/rutas-
