Taldearen lehenengo saioa 1978an izan zen, Castaños auzoko jaietan. Begoña Arroyo Aldekoak sortu zuen taldea seme-alabei eta lagunen seme-alabei dantzak irakasteko. Gero lagunei, ilobei.... eta urte hauetan guztietan ehunka lagun pasa dira taldetik. Hasieratik asmoa izan da, dantzei, bertoko musika-tresnei eta ohiturei lotutako euskal kultura eta folklorea sustatzea. Hasieran gazte talde bat elkartzea lortu zen eta, belaunaldiz belaunaldi, mantentzea lortu da. Euskal dantzek orokorrean arazoak izan dituzte azken urteetan mutilak erakartzeko. Baina Salbatzaile taldeak auzoan erantzun ona jasotzen du. Esate baterako, 2017ko inauterietan 270 lagun ibili ziren auzoko kaleetatik dantzan, 2018ko inauterietan 400 pertsona mugitu zituzten, haur, heldu, musikari eta jostunak kontuan hartuta, eta horrela urtez urte.[1]
Taldekide askorentzat bigarren ama izan da; auzoarentzat, eragilea eta sortzailea; Euskal Herriarentzat, oharkabean pasatzen diren inurri langile horietako bat.
Bene-benetan... agur eta ohorea Begoña Arroyori!
-------------------------------
Bide batez galdera bat argazkiari buruz: Nork egin zion Begoña Arroyori aspaldiko goiko argazki eder hori? Ba al daki inork? Argazkilariaren baimena ere eskatzen digute Wikipedian jarri ahal izateko. Nonbait argazki oso artistikoa da, eta horrelakoetan ez da nahikoa jabearen baimena (hori badaukagu), eta egilearen baimena ere eskatzen digute. Foto Garay-n egingo zuten? Foto Garrido? Nola lortu daiteke orduko argazkilariaren baimena?