Arriagatik abiatuta, Abusun zehar Boluetatik igarotzen zan Arratia eta Durangoraino. 50 urte bete dira Arratia tranbia barik lotu zala eta nire eritzi apalean urrin egoan eskualdea urrinago laga zan. Tranbia haren gomutan Bizkaiko Aldundiak erakusketea zabaldu barri dau Bizkaiko Foru Liburutegian abenduaren 29ra arte. Ea lehengoak zenbat balio eban konturatzen garan.
Bilboko tranbia 2002an abiatu zan lehenengoz. Arranditsu zabaldu zan Bilbo barruko ibilbidea. Urteokaz arrakasta handia izan ei dau bilbotarren artean eta turisten artean, batez bere. Bilbo turistazale honetan zer irabazi badagoala begitandu jake gure agintariei. Halanda be, Oskorri gureak musikatutako Gabriel Arestiren Bizkaiko aberatsak kantuan beste tranbia bat aitatzen zan; Bizkaiko tranbia, alegia.