uriola.eus

Bilboko Ernaiko emakumeek* kanpaina bat abiatu dute hiriko publizitate sexistaren kontra

Erabiltzailearen aurpegia   Jendartea

“Bilboko kaleetan hainbat alditan ikusi izan ditugu emakumeon* duintasunaren kontra doazen iragarkiak. Honek genero rolak indartu, emakumeon gorputzen sexualizazioa bultzatu eta presio handia eragiten du kanon zurrun horietan sartu ezin diren neska* gazteongan”, adierazi dute.

Euskal Herriko anorexia kasuen %90a neskek* pairatzen dutela azaldu dute eta hau jasaten dutenen adina 9 urtera aurreratu dela. Honen guztiaren erantzuletzat jo dituzte, besteak beste, iragarki sexistak. Emakumeen* duintasunaren kontra doazen iragarkiak direla azaldu dute eta sistemak ezarritako "kanonetan" sartu ezin diren gorputzen gaineko presioa eragiteaz gain, genero rolak indartzen dituztela, emakumeen* gorputzen sexualizazioa bultzatzen dutela. 

Bilboko kaleetan iragarki sexistak egoteak erantzule argiak dituela azaldu dute Ernaiko gazteek: “Udaletxeak alfonbra gorria jartzen die neska* gazteon bizitzak prekarizatzen dituzten enpresari handiei, azaleko mezu feministekin ahoa betetzen duten bitartean: berdintasuna sustatzen duela, berdintasun planak dituela…” Udalari espazio pribatuei dagokienean, enpresekin hitz egiteko eta marra gorriak jartzeko eskatu diote eta espazio publikoetan, berriz, publizitate sexista “zuzenean kentzea”: 

Sinadura bilketa

Bilboko Ernaiko Emakumeek* sinadura bilketa bat ere abiatu dute eta 200 sinadura lortzeko helburua jarri dute.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa