uriola.eus

D ereduan ikasi ahalko dute datorren ikasturtetik aurrera Otxarkoagako eskola publikoko ikasleek

  Hezkuntza  Otxarkoaga - Txurdinaga

2021-2022 ikasturtean D eredua ezarriko dute CEIP Otxarkoaga HLHI eskola publikoan, 2 urteko gelatik aurrera.

D ereduan matrikulatzeko deia egin dute AMUGE elkartetik. Tamara Claveria AMUGEko lehendakariordeak Bizkaiko Hitzan esan duenaren arabera, bere ustez eskubide bat da: “denok daukagu bizi garen lekuko hizkuntza ezagutzeko eskubidea. Euskaraz pentsatzeari oso garrantzitsu deritzot. Lanbidea aurkitzeko ere aukera asko zabaltzen ditu. Administrazioetako eskaintzetarako euskara maila jakin bat eskatzen dute”.

Ia 350 ikastetxetatik zazpitan A eredua besterik ez dago. Zazpi horietatik Lehen Hezkuntzako bi Otxarkoagan kokatuta daudela adierazi du lehendakariordeak.

Familia ijito kopuru handia dagoela adierazi du Caveriak eta horien artean %1,23tan soilik egiten duela euskaraz ere esan du. “Amuge elkartearekin lanean ari diren emakume eta gizonen aldetik jaio da eskaera. Haiek ere euskara ikasi nahi dute. Auzoko familiek eskatu dute”.

Horrekin batera, aurreikusi da Artatse eskolan ere D eredua jartzea 2022-2023 ikasturtean.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa