uriola.eus

'Udala non dago gure murala?'

  Jendartea  Otxarkoaga - Txurdinaga

Bilboko Udalak Otxarkoagan mural feminista bat egiteko baimenik eman ez izana salatu dute BerdinOtxar batzordea osatzen duten taldeek.

'Udala non dago gure murala?'
Irudia: Ecuador Etxea | Ikusi handiago | Argazki originala

Emakumeen aurkako indarkeriaren arazoarekiko sentsibilitaterik ez izatea leporatu dio taldeak Bilboko Udalari, 'generoen arteko berdintasunaren aldeko borroka ikusaraziko duen mural bat egiteko' baimena eskatu eta ukatu egin zaielako. 

Halaber, Berdinotxar batzordea Bilboko Udalaren "Andre ta Jabe" programaren bitartez sortu zela gogorarazi dute, eta horregatik orain Udalak lana 'ez errazteak' sumindu egin ditu: "batzorde honen helburua auzo hobea sortzea da, baliabide gehiagorekin; emakumeen eta gizonen, talde etnikoen eta abarren arteko desberdintasunik gabe; hala ere, tristeki egiaztatzen dugu sistemak eta erakunde publikoek benetan zaila egiten digutela."

Elkarretaratzea gaur goizeko 11:00etan egin dute, Kepa Enbeita plazan. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa