uriola.eus

Hijas del Barrio dokumentala, Bilboko Zinema Ikusezinaren Nazioarteko Jaialdian hautatua

  Kultura-aisialdia  Otxarkoaga - Txurdinaga

Otxarkoagako emakumeen historia azaleratzeko helburuarekin abiatu zuten auzoko hainbat emakumek Hijas del barrio proiektua apirilean. Orain, urrian zehar Bilbon ospatuko den Zinema Ikusezinaren Nazioarteko Jaialdiak dokumentala hautatu du nazioarteko hainbat filmen artean proiektatua izan dadin.

Urriaren 14an hasiko da Bilboko "Film Sozialak" Zinema Ikusezinaren Nazioarteko Jaialdiaren 13. edizioa. Kultura, Communication eta Desarrollo erakundeak antolatzen du urtero eta gizartean dauden errealitate "ezkutuak" plazaratzea du helburu, proiekzio luze zein laburren bitartez.

Bizkaian kokatuta dauden kultur espazio ezberdinek hartuko dituzte datorren astetik aurrera munduko txoko ezberdinetatik ekarritako filmak. Bilbon, Golem Zinemetan, Azkuna Zentroan, Deustuko Unibertsitatean eta FNAC-en egongo dira ikusgai. 

Aurtengo jaialdian aukeratutako filmen artean apirilean Otxarkoagan aurkeztutako Hijas del Barrio dokumentala dago, "genero ekitatea" izeneko atalean. Aipatutako auzoko emakumeen historia lantzen duen dokumentala urriaren 18an ikusi ahalko da irekian Golem Zinemetan arratsaldeko 19:00etan. 

Hijas del barrio proiektuaren inguruan informazio gehiago irakurri nahi izatekotan: Otxarkoagako emakumeak omendu ditu Hijas del barrio proiektuak. 

 

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa