Santutxuko Txistulari Taldeari egokitu zaio aurten jaietako pregoia irakurtzea. Txistulariek 40 urtez auzoan eginiko lana aitortu nahi izan du Jai Batzordeak.
Uztailaren 12an emango diote txistulariek eta Sangutxu maskotak jaiei hasiera. Bederatzi egunez luzatuko dira Karmengo jaiak Santutxu auzoan.
Egitaraua Interneten eta sare sozialetan eskura dago jada.
http://issuu.com/sangutxu/docs/14liburuxka101web
Kontzertuak
Musika jaun eta jabe izango da Basarrate plazan, beste behin. Eszenatoki gainean ikusi eta entzuteko aukera izango da, besteak beste, Ke No Falte, Sokrates, Garilak 26, Jokaldi, Habana 537, Karisturas del Nervion, Zazkel, Bolkete, Iñaki Basabe, The Godoys Wonderers, Jimi Laboa, Motxaila Band, Leihotikan, Arkada, Joxe Replay eta Honat.
Bideoklip txapelketa
Urtero bezala bigarren larunbatean -uztailak19-, berbenaren deskantsuan, bideoklip txapelketan parte hartzen duten lanak proiektatuko dira. Bideoak entregatzeko epea larunbatean, uztailak 19, 19:00etan bukatuko da. Jai Batzordeko txosnan eman behar dira. #bideokliptxapelketa
SANTUTXUKO JAIAK