Eskerrak eman nahi dizkie Solokoetxeko jai batzordeak antolaketan eta prestaketan "laguntza eman dieten guztiei". Besteak beste, jaietako egitarauan publizitatea ipintzen duten taberna, denda eta establezimenduei. "Zuen laguntza gabe jaiak ezinezkoak izango liratateke", dio batzordeak. Eta nola ez, "auzotar guztiei Solokoetxeko jaiak bultzatzeagatik jai batzordeak jarritako txosnaren bitartez -finantzabide bakarra- eta jaietako produktuak kontsumituz".
"Urte osoan lan egin eta gero" helduko dira hurrengo ostiralean auzoko jaiak Solokoetxera. Hori dela eta, batzordeak "indarkeria gabe" eta "euskaraz" ondo pasatzeko mezua zabaldu die bilbotarrei.
Jai Batzordeak jaiak ez ezik Euskara Eguna -martxoan-, Udaberri Jaia -ekainean- eta Mari Domingi eta Olentzeroren kalejira -abenduan- antolatzen ditu.
SOLOKOETXEKO JAIAK 2014 - Egitaraua
Irailak 12 ostirala
18:00 Txokolatea Zabalbiden eta Solokotxoni harrera
19:00 Kalejira Solokotxonekin, Zabalbidetik Zumarraga plazara
19:30 Jai batzordeko txosnaren irekiera, Zumarraga plazan
20:00 Pregoiaren irakurketa Solokoetxe F.C.-ren eskutik + jaien hasierako txupina
21:30 DJ Gofreak
22:30 Rock kontzertuak: Pomeray + Los Aparcabicis del Espacio
00:00 Funk jaialdia: The Cherry Boopers
01:30 DJ Gofreak
Irailak 13 larunbata
11:30 Ximelgorri, umeentzako tailerrak Fika plazan eta Urtxintxaren umeen puzgarri txikia 0-6 urte bitartekoentzat. Jai txupina!
13:30 Bertso-poteoa auzoko tabernetan zehar Arkaitz Estiballes eta Oihana Bartrarekin.
16:00 Jai batzordeko txosnaren irekiera, Zumarraga plazan
16:00 Umeen partxis txapelketa, Zumarragan
16:00 Mus a tres txapelketa
17:30 Kubako Sirra Mestra dantza taldea, Zumarraga plazan
18:15 Rap-Beatbox ikuskizuna, Dptes + Lapiko Klika taldeekin
19:00 Mozorro desfilea, talde saioa gazteentzat eta Nagusitxu Animatu saria, Zumarragan, Karmele Larrinak, Anakozek eta Aritzek aurkeztuta + Traka
22:00 Las Fellini taldearen ikuskizuna, Zumarragan
23:30 DJ Xaibor
Irailak 14 igandea
11:00 Jai batzordeko txosnaren irekiera + Pintxo-potea + Jai txupina
11:00 Solokoetxeko I. Artisau Azoka
12:00 Moto Molto zirkuitua, Fika plazan
12:30 Iturri txapelketa
13:00 Bizi Nai eta Gaztedi taldeen euskal dantza saioa
15:00 Herri bazkaria Zumarraga plazan + herri jolasak + ur jolasak + jaien amaiera
[2014/09/01] Iraileko jai herrikoiak: Arabellan, Zorrotzan, Solokoetxen eta Uribarrin