Ibilbidea 20 kilometrokoa izango da, iazko berbera. Santutxun hasi eta Kaños pasealekua, Bolintxu, Igertu, Arnotegi, Oiarganetik pasa ostean berriro ere Santutxu amaituko delarik.
Izen-ematea 8:30etatik aurrera Arsuaga plazan egin ahalko da. Bikoteko 2 euro balio du izen-emateak eta jasotako diru guztia antolakuntza gastuak ordaintzera bideratuko da. Nahi duenak, aurretiaz, Internet bidez eman dezake izena stx.mendimartxa@gmail.com helbidera mezua bidalita.
Bikoteka parte hartu beharra dago eta kontrol postuetatik ere elkarrekin igaro beharko dute bikoteek.
Kontrol postuetan (hiru izango dira: Kaños, Igertu eta Oiargan), denbora markak fitxan idatziko dituzte antolakuntzako kideek.
Ibilbide erdiko kontrol postuan (Igertun) denbora eten eta zerbait jateko aukera izango dute partaideek.
Helmuga postua 14:00etan itxiko dute.
Informazio gehiago: santutxukomendimartxa.blogspot.com
