Jaietako kartel lehiaketako lanek 210 x 260 mm-ko neurria izan beharko dute; "Santutxuko Jaiak 2015 - Uztailaren 11tik 19ra" izango da leloa; eta sinaduran Santutxuko Jai Batzordea jarri beharko da. Kartelak aurkezteko azken eguna ekainaren 10a izango da eta irabazleak 100€ eskuratuko ditu.
Oinarriak:
- Irudian Sangutxu sagua agertuko da derrigor.
- Lanak Santutxuko AEKren egoitzan aurkeztuko dira, Arbidea kaleko 21. zenbakian, Txurdinagan.
- Kartelak inprimatuta aurkeztu behar dira eta nahi izanez gero CDan ere bai.
- Kartelari atzekaldean izena jarri behar zaio (egilearen izenik ez) eta egilearen datuak gutunazalean gordeta joango dira (izen-abizenak, helbidea eta telefono zenbakia).
- Irabazi duen kartelaren jabetza Jai Batzordearena izango da aurrerantzean.
- Gainerako kartelak Jai Batzordearen txosnan berreskura daitezke, jaietan zehar.
_content.jpg)
Musika Lokal Maratoia lehiaketa
Aurkeztutako taldeek musika maratoi bat osatuko dute uztailaren 14an; bakoitzak bere abesti onenak joz eta irabazleak, uztailaren 18an kontzertua eskainiko du.
Parte hartzeko, taldearen abestiak stx.jaiak@gmail.com helbide elektronikora bidali behar dira ekainaren 10a baino lehen eta lehiaketaren oinarriak facebooken, twitterren edota posta elektronikoz eskatuta lor daitezke.
