uriola.eus

Konfort eremutik irteteko gogotsu

  Jendartea  Santutxu

“Denok bezala”, txikitan hasi zen marrazten Joanes Garmendia. “Beharrizana era naturalean etortzen da kasu geihenetan”, dio. Gaztetan, trebetasun pixka bat hartu zuenean, marrazki konplexuagoak egiteaz asko disfrutatzen zuen, eta “serioago” marrazten Arte Ederrak ikastean hasi zen. Bere lan geihenak diseinu grafikoaren arloan egiten ditu, eta batez ere kartelgintzan. 

Konfort eremutik irteteko gogotsu
Joanes Garmendiaren lana | Ikusi handiago | Argazki originala

Musika taldeentzako lanak egiten ditu gehienbat. Papera, arkatza, boligrafoa, errotulkiak, tinta... eta eskaner bat erabili ohi ditu. “Lan guztiak papel edo koaderno batean hasten dira, baina ordenagailuan amaitzen dute”. Ordenagailuan, Illustrator, Photoshop eta Indesign dira berarentzat “ezinbesteko programak”. Interneten munduan mugitu dira bere lanak, sare sozialetan. Bateren bat azpimarratzekotan Las Tea Party dj bikotearentzat egindako lanak aipatu ditu. “Pintxatzen hasi zirenetik lan egin dut eurekin behar duten material grafiko guztia sortzen: logoak, kartelak, kamisetak, bideoak... proiektu txiki bat handi bilakatzen ikustea lanak sortzeko motibazio handia izan da. Beti askatasun osoz sortzeko aukera eman didate, esperimentaziorako eta ikasketa pertsonalerako eremu bat izan da”. Aurrera begira, bere konfort eremutik irteten diren proiektu berriak egiteko gogotsu dago, “hori baita ikasten jarraitzeko modu hoberena”.

 

www.behance.net/joanesgarmendia

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa