uriola.eus

Udaberriko Bertso Saioak-en 37. edizioa abiatuko da maiatzaren 8an

  Jendartea  Santutxu

Udaberriko Bertso Saioak-en edizio berria maiatzaren 8an hasi eta maiatzeko larunbat guztietan ospatuko da Santutxuko Karmelo plazan 13:00etan. Bizkaiko hiriburuan euskal kultura eta hizkuntza sustatu eta euskaltzaleen topaleku bihurtu nahi dute.

Bertsolaritzaren izen berrienak batuko ditu bertsolaritza programaren aurtengo edizioak. Maiatzaren 8an Andoni Egaña, Alaia Martin, Arkaitz Estiballes eta Beñat Gaztelumendi bertsolariak izango dira. Maiatzaren 15an Amets Arzallus, Onintza Enbeita, Julio Soto eta Ibon Ajuria. 22an, berriz, Maialen Lujanbio eta Unai Iturriaga izango dira protagonistak. Horrekin batera, bertso-saio librea eskainiko da. Azkenik, 29an amaituko da programa Uxue Alberdi, Oihana Bartra, Jone Uria eta Nerea Ibarzabalen emanaldiekin.

Ekitaldietako sarrerak dohainik izango dira. Lekua aldez aurretik erreserbatu ahal izango da, ikuskizuna hasi baino 48 ordu lehenagotik 2 ordu lehenagora arte eta gehienez 2 toki erreserbatu ahal izango ditu pertsona bakoitzak.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa