Larunbatean eta igandean haurrentzako zein helduentzako ekintzak egongo dira egunean zehar Karmelo plazan. Besteak beste, kale animazioa, bazkaria auzoko tabernetan, ipuin kontalaria, musika eskaintza...
Astelehenean Ritxi Plazan 18:00etatik aurrera Xake partida simultaneoak egongo dira, baita txistulariek gidatutako kale animazioa ere. Asteartean, Karmelo plazan haurrentzako irristaketa tailerra antolatu dute 17:00etan eta 19:00etan trikitilariek kale animazioa gidatuko dute.
Asteazkenean eta ostegunean eskupilotako txapelketaren kanporaketak eta finala jokatuko dituzte Karmelako frontoian arratsaldeko 18:00etatik aurrera eta jaiei amaiera emateko, ostiralean txistularien diana eta Gaztedi Dantza taldearen erromeria egongo dira.
