uriola.eus

2. barrutira helduko da Musikauzo programa Ingalaterra eta Frantziako musika bandekin

  Kultura-aisialdia  Uribarri

Apirilean jarri zen martxan Musikauzo programaren edizio berria. Datorren astean, eta Amorebieta-Etxanoko Udalak antolatzen duen Haizetara jaialdiarekin lankidetzan, 2. barrutiko hainbat auzok, nazioartean ospe handia duten bi banden emanaldi bereziak jasoko dituzte. Biak ere irabazle izan dira Haizetara jaialdiaren aurreko edizioetan: Perhaps Contraption eta Funky Style Brass.  

Ekainaren 23an, emanaldi bikoitza eskainiko duten Perhaps Contraption ingelesen txanda izango da. Emanaldiak, Matikoko Uzturre plazan 19:00etan eta Zurbaranbarri auzoko Iturriondo plazan 21:00etan izango dira. Funky Style Brass banda frantsesak ere bi show eskainiko ditu, ekainaren 27an, eguerdiko 13:00etan Castaños – Artxandan eta 20:00etan Traukon. Bi taldeen ezaugarri nagusiak euren emanaldietan erakusten dituzten eszenan jartze zoroa eta umorea dira.

Ikuskizun horiek Musikauzo programaren barruan sartzen dira, eta Kultura Sailak udaberriko eta udako hilabeteetan 2. barrutian programatu duen Kultura Kalez Kale izeneko kaleko kultur eskaintza indartzera datoz.

Hitzordu berezi horiez gain, bihartik aurrera, eta asteburu guztian, kaleko animazioan aritzen diren bertako taldeak izango ditugu beste barruti batzuetan: Turutarra, Marmara, Dangiliske, Koplez Blay eta Molto Vivace Brazztet, Abusu-Peñascalen, Casilda Iturrizar parkean, Matikon, Basurtun eta Masustegin, hain zuzen ere.

Agenda

Ekainak 19: El Peñascal / 20:00 Turutarra

Ekainak 20: Casilda Iturrizar parkea / 13:00 Marmara

Ekainak 20: Matiko (Uzturre plaza) / 20:00 Dangiliske

Ekainak 20: Basurtu (Aita Donostia) / 20:00 Koplez Blai

Ekainak 21: Masustegi (San Gabriel elizako plaza) / 19:00 Molto Vivace Brazztet 

Ekainak 23: Matiko (Uzturre plaza) / 19:00 Perhaps Contraption (Ingalaterra)

Ekainak 23: Zurbaranbarri (Iturriondo plaza) / 21:00 Perhaps Contraption (Ingalaterra)

Ekainak 27: Castaños – Artxanda / 13:30 Funky Style Brass (Frantzia) 

Ekainak 27: Trauko / 20:00 Funky Style Brass (Frantzia) 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa