Zaratak eta beroak esnarazi zituen auzokideak. Horietako baten deiari esker bertaratu ziren azaroaren 1ean, 05:20 aldera, suhiltzaileak, Udaltzaingoa eta Ertzaintza Uribarri auzora. Ez da sauriturik izan eta ez da erakinik hustu behar izan.
Piztutako suaren ondorioz Vianako printzearen kalean aparkatuta zeuden zazpi ibilgailuk kalteak izan dituzte. Hurbil dagoen etxebizitza bateko aurrealdea beltzituta geratu da eta saltoki bateko erakusleihoko kristala arrakalatuta.
Udaltzaingoak, hainbat hipotesi esku artean dauzkala, gertatua ikertzen jarraitzen du. Izan ere, aurreko astean San Inazion sei kotxe kaltetu ziren edukiontzi batzuetan sortu zen suaren ondorioz. Getxon ere azkenaldian antzeko beste kasu bat izan da. Hori dela eta, Uribarrin gertatuak San Inazioko eta Getxoko kasuekin loturarik duen ikertzen ari dira Udaltzaingoa eta Ertzaintza.
