uriola.eus

Uribarrin emakume bati egindako erasoa salatuko dute auzotarrek

  Jendartea  Uribarri

Auzoko elkarteak batzen dituen Uribarri Auzolanean plataformak erasoen aurkako protokoloa aktibatu du Matikon joan den asteburuan izan den eraso baten berri jakin bezain pronto. Gaur, asteartea, elkarretaratzea egingo dute. 

Uribarrin emakume bati egindako erasoa salatuko dute auzotarrek
Elkarretaratzea iazko irailean Uribarrin, auzoko emakume bati eginiko erasoa salatzeko | Ikusi handiago | Argazki originala

Joan den larunbatean atxilotu zuen Ertzaintzak gizon bat bere pisukideari eraso egiteagatik. Hain zuzen ere, aurpegian lesioak eragiteagatik. Joan den larunbatean erasotu zuen gizonak emakumea banatzen duten Matikoko etxebizitzan. Pisukideen arteko eztabaida gogorra zela eta, Ertzaintzara dei egin zuen auzokide batek. Ertzainek etxean bertan atxilotu zuten gizona.

Gertatuaren berri zabaldu denean aktibatu dute Uribarri Auzolanean plataformako 20 bat elkartek erasoen aurkako protokoloa "emakumeen kontrako indarkeriari aurre egiteko". Plataformaren arabera, "denon artean baino ez da posible izango".

Elkarretaratzea gaur, martxoak 6 asteartea, 19:30ean izango da arrapala mekanikoetan.   

2018/03/06 19:30

arrapala mekanikoetan Uribarri

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa