Horrekin batera, Parralesek A-8 errepideko babesgarria luzatzeko hautua egin du, "tipologia eta ezaugarri berdineko" obra eginez. Egindako beste agertze batean azaldu bezala, 2016-2017 biurtekorako 19 proiektu daude pentsatuta Bidesarea Planaren baitan errepideak hobetzeko; 51,4 milioi euroko aurrekontuarekin.
Bestalde, momentu hauetan obretan dauden lanekin hasita, zinegotziak Durangoko BI-623 errepidearen mantentze eta hobetze lanak "erabat bukatuta" daudela adierazi du, datorren uztailean Santo Domingoko errepideko obrak bukatuko direla iragarriz.
Gainera, Morgako BI-2121 errepidea estabilizatuko dutela adierazi du Urberuaga-Markinako errepidea uztailean hobetzeaz gain, eta Buruialdeko Gorozikako kurbak abuztuan bukatuz. Azkenik, Lemoa eta Zeanuriko N-240 errepideen hobetze-lanak 2017an hasiko direla azaldu du zinegotziak.