Eskuratu Errigorarako saskiak!

Gaur, hilak 24, Errigorak hasiera eman dio Euskarari Puzka kanpainari. Nafarroa erdi eta hegoaldeko lurretan, Ager eremuan, hain zuzen ere, lantzen dituzten produktuen saskiak saltzen dituzte. Saski bakoitzaren balioaren %25 zuzenean bideratzen da Ager eremuko euskalgintzara, bertako euskalgintza indartzea helburu izanda.

Uriolak baditu bi saski salgai zozketatzeko. Saski berdea, produktu tipikoak eta berritzaile batzuk dituena, den-denak ekologikoak, eta saski gorri berria, produktu bereziagoz osatua, eguberriekin gehiago lotzen direnak. Bi bide daude zozketan parte hartzeko: Uriolako webgunetik edo link honetan dagoen formulariotik. Ez galdu aukera hau, eman izena azaroaren 21a baino lehen!