Loraldia Festibala: ODOLA KANTARI emanaldirako bi sarrera eskuratu!

Loraldia Festibalaren XI. edizioa martxoaren 10etik 30era izango da, eta beraz, Bilbon euskaraz egiten diren ekimenak sustatzeko eta euskal kultura indartzeko, URIOLAk baditu sarrerak zozketatzeko.

Honetan, martxoaren 25an izango den Odola Kantari emanaldirako sarrera bikoitza irabazteko aukera egongo da. Itsasmuseum-en izango da arratsaldeko 19:30etan eta 70 minutuko iraupena izango du.

Otsailaren 23ko 23:30era arteko epea izango duzue parte hartzeko!!!

• ODOLA KANTARI EUSKAL KANTUGINTZAREN TRAGIPEDIA - Unai Elorriaga eta Josu Aurrekoetxea

Beti esan izan da gai bi nagusi daudela literaturan: maitasuna eta heriotza. Ikuskizun honetan, ordea, asko kantatuko zaio heriotzari, gerrari, hilketari, odolari. 

Hitzaldi-musikatuaren fomatuan, idazlea (Unai Elorriaga) eta musikaria (Josu Aurrekoetxea) arituko dira hainbat testu aztertzen eta kantatzen. Ikus-entzunezkoek lagunduko dute kantuen ñabardurak ikusarazten.