uriola.eus

CNT: "Ercilla ez badago elkarrizketarako prest, borroka egongo da"

  Ekonomia-Lana  Abando - Indautxu
“Edozein murrizketaren aurka borrokan" jarraituko duela adierazi du aste honetan CNT sindikatuak Ercilla hotelaren atarian buruturiko protestaldian. Hoteles Ercilla enpresako zuzendaritzak “ez duela elkarrizketarik nahi” salatu du: “Hamaika hilabete daramazkigu gure aldarrikapenak entzunak izatea eskatzen, baina jarrera berberarekin darraite”, salatu du Ercillako atal sindikalak.

Erakunde anarkosindikalistak bere eskaerak aldarrikatu ditu beste behin ere Bilboko hotelaren aurrean eginiko azken elkarretaratzean. Patronalaren oldarraldien aurkako eta langile eskubideen defentsaren aldeko leloen artean, CNTk bere jarrera tinkoa azaldu du ekintzak mantentzeko asmoa adieraziz, "enpresa elkarrizketarako prest agertu arte". Elkarrizketarik ezean –azpimarratu du-, "borroka egongo da".

Zentzu honetan, sindikatuak ohartarazi du Hoteles Ercillak "enpresa hitzarmena indargabetu duela eta ondorioz, langileek lan eta soldata murrizketak nozitu dituztela". Egoera honen aurrean, konpainiak "neurri hau berrikusi dezala, eta sortu ez dugun krisia guk ordaintzeko asmoak albora ditzala" eskatu du CNTk. "Ez dugu onartuko langileek enpresa kudeaketa oker baten ondorioak jasan behar izatea", esan du zentral anarkosindikalistak.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa