Hogei urteko antzinatasuna duten hamabi langileri eragingo dio neurriak ELAren arabera. Abando hoteleko buruek garbiketa zerbitzua kanpora ateratzea erabaki dute eta, ELAren ustez, neurriak helburu "bakarra" du: "langileen kostuak aurreztea, ez besterik". Horrela, hamabi beharginen eskubideak "gogorki kaltetuko dira".
Garbiketa zerbitzuaren kanpora ateratzea salatzeko greba mugagabea hasi dute gaur Abando hotelean. 12:00etan elkarretatzea egin dute hotel aurrean.