uriola.eus

Huelvako espetxeko euskal presoen senideek jasaten duten jazarpena salatzeko sinadura bilketa abiarazi dute

  Politika  Abando - Indautxu

Indautxuko Kirruli kultur elkarteak euskal preso eta senideentzako baldintza duinak exijitzeko sinadura bilketa abian jarri du. Sinaduren jasotzearekin batera, Huelva II espetxeko euskal presoen senideek pairatzen dituzten jazarpenen kontrako gutun bat idatzi dute, espetxeko arduradun eta zuzendariei salaketa eta protesta modura helarazteko asmoz. 

'Huelvako II espetxean jazarpenik ez! Fiñu etxera' lelopean argitaratu dute gutuna. Idazkiari dagokionez, Huelva IIko Euskal Preso Politikoek azkenaldian senide eta lagunak pairatzen ari diren jazarpenak salatu nahi izan dituzte, Fiñu Indautxuko euskal presoaren kasuaren berri emanez. Iker Olabarrieta Colorado, Fiñu, 1.000 kilometrora dago kartzelaratua. Dispertsioaz gain, "etengabeko arauen gogortzea" ari da jasaten.

Huelva IIko euskal presoek gutunean salatu dutenez, "preso politiko izaeragatik soilik pairatzen dituzten jazarpenak gutxi ez eta ohikoak diren bisita eta dei kopuru mugari, solasaldien grabaketei eta gutunen esku hartzeei, arau eta kontrol berriak gehitu zaizkie; ziegen etengabeko miaketak, arropa kopuru mugatua izatearen araua eta ausazkoak ziren aurre-aurrekoen aitzakiapean egindako miaketak eguneroko ogi bilakatu dira".

Bestalde, lehengo abenduan Fiñuren senideek jasandako egoeraren berri eman dute. Izan ere, abenduan izan zuten bisitaren bukaeran, "kartzelako funtzionarioek 40 minutu luzez gela txiki batean atxiki zituzten". Ondorioz, Fiñuren arreba ika-mika batean sartu zen funtzionario batekin eta espedientea irekitzeaz gain, sei hilabetez bisita eta aurre-aurrekoak izateko debekua ezarri diote. 

Kirruli Kultur Elkarteak jazarpena salatzera animatu du jendea, kultur elkartean dagoen gutuna sinatzeko deia luzatuz. 

 

 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa