uriola.eus

Bilboko Udalak MOMA diskotekako musika ekipoa zigilatu du

  Jendartea  Abando - Indautxu

Ezarritako soinu mugak behin eta berriz gainditzeagatik hartu du erabakia Udalak. Hotel Ilunionek eta Rodriguez Ariaseko bizilagunek neurria jakin baino lehen salaketa bat aurkeztuko dutela iragarri zuten Udalaren aurka. Auzia Arartekoarengana eraman zuten ekainean.

Bilboko Udaleko Mugikortasun eta Jasangarritasun Sailak MOMA diskotekako musika-ekipoa zigilatu du. Ingurumena Babesteko Ordenantzak ezarritako mugak behin eta berriz gainditzen dituztela egiaztatu ondoren, neurri hori hartzea erabaki du. Auzokideek salatu dute establezimenduak eragiten duen zarata "baimendutakoa baino handiagoa” dela eta "ia egunero” zabalik dagoela. 

Atzo, Udal gobernuaren erabakia ezagutu baino lehen, Rodriguez Arias kaleko auzokideek eta Ilunion hotelak salaketa bat iragarri zuten Udalaren aurka, MOMAri jarduera baimena legez kanpo emategatik. Halaber, salaketa gehiago jarriko dituztela iragarri dute, zenbait zinegotziren kontra.

Laguntza eske

Hotel Ilunion eta Rodriguez Ariaseko bizilagunek MOMA diskotekak bost hilabeteetako ibilbidean eragin dituen kalteen aurrean Bilboko Udaleko Ingurumen Sailak hartutako jarrera pasiboa salatu zioten Arartekoari aurreko hilean. 

[2017-05-30] Arartekoaren aurrean salatu dute MOMA diskotekaren auzia

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa