Txikiteroen Jaia badatorrela eta, urriaren 11n, asteartea, abesbatza bi batuko dituen kontzertua egingo dute Enkarnazio elizan: 40 urte bete dituen Urretxu-Zumarragako Goiargi eta 2022an 35 urte egin dituen Begoñako Garaizarko Matsorriak.
Bultza Herri Ekimenak antolatuta, Jatorrizko Herrien Erresistentzia Eguna ospatuko dute urriaren 11n 7 Katu Gaztetxean. 18:00etan hasita, solasaldiak egongo dira lehenik. Gauez, 21:00etatik aurrera, kontzertuetarako tartea egongo da. Sarrerak 3 eurotan eskuragarri egongo dira kartelean ageri diren tokietan.
EH Bilduk antolatuta, urriaren 12ko Hispanitate Eguna delakoan "ospatzeko ezertxo ere ez" dagoela aldarrikatu dute. Hala, indigenen erresistentziari lotutako egitaraua prestatu dute bezperarako, Erronda kaleko Bira Kultur Gunean aurrera eramango dutena (19:00etan hasita): Antzerkia María Izquierdoren eskutik: Monólogo decolonial Kantautoreak: Guitarras antiimperialistas. Txanba Payés eta Manuel Liendro
Natalia Suárez Ortiz de Zarateren Jade erakusketa ikusgai dago urriaren 14ra arte. 2021ean ekoizpen-zentroan beka jaso zuen artistak, azken urtean egindako olio-pinturen eta tinta japoniarreko marrazkien aukeraketa batekin beteko du arte erakusketa aretoa.