ARIMA SOUL taldeak kontzertu akustikoa eskainiko du maiatzaren 29an 20:00etan Bizkaia Aretoan. ARIMA SOUL 2020an sortu zen Zarautzen, Mikel Unzurrunzaga Schmitz (DJ Makala) ekoizlea eta Lidia Insausti abeslariaren arteko elkarlanaren emaitza da. Soul, R&B, Funk eta Jazz-Groove estiloak uztartzen dituen proposamen musikal bat da, gehienbat euskaraz sortutako abesti propioekin osatua, era berean Gil Scott-Heron edo Marie “Queenie” Lyons bezalako artistei egindako bertsio batzuk ere baditu.
ESANEZINek kontzertua eskainiko du ekainaren 4an 20:00etan Bizkaia Aretoan. Ianire Aranzaberen (Altzagarate, 1999) bakarkako proiektua da. Pop doinuak jorratzen ditu nagusiki eta 2021ean bakarkako formatuan lehen kontzertuak eman ondoren laukote formatua hartu du proiektuak, Arri Iraeta, Iñigo Asensio eta Imanol Rubio bidelagun dituela.