Naiz.eus agerkariak eman zuen heriotzaren berri. Bertan azaldu zutenez, abuztuaren 22an ebakuntza bat egin zioten Gurutzetan 9 kiloko tumore bat kentzeko birika batetik. 40 egunez, Barakaldoko ospitaleko ZIUn (Zainketa Intentsiboetako Unitate) egon zen eta bertatik Gorlizeko erietxera eraman zuten sendatze prozesuarekin jarraitzeko.
Aurreko ostegunean mezu publiko bat zabaldu zuen Gorlizetik esanez, "laster ikusiko dugu elkar" eta eskerrak emanez, azken hilabeteetan laguntza eman dioten pertsona guztiei.
Sopelana, Bilbon jaio zen eta, amnistiaren aldeko mobilizazioetan hainbat aldiz atxilotua izan ostean, ETApm-k Javier Ruiperez politikaria aske uztearen truke atera zuten kartzelatik, beste hainbat presorekin batera. Geroztik erbestean egon zen.
Sare sozialetan zabaldu den irudia