Lokomotorak izena dauka Atxuriko auzoko hainbat eragilek osatu duten taldeak. Atxuriko tren geltokia 2018ko urte bukaeran itxiko dela kontuan hartuz, "auzoa eraberritu eta hobetzeko asmoz eta gogoz", prozesu parte-hartzaile bat abian jarri du Lokomotorak. Taldeko kideek Atxurin eta inguruko auzoetan hausnarketa egitea eta zabaltzea dute xede. Aukeratzat jo dute unea, "beharrizan ezberdinei buruz eztabaidatzeko eta denon artean etorkizuna amestu eta irudikatzeko".
Lokomotorak taldeak hainbat ekimenen bitartez –erakusketak, ideia bilketak, bisita gidatuak, abestiak, bideoak...– iritzia ematera animatu nahi ditu herritarrak.