Eskolako Guraso Elkarteak salatzen duenaren arabera, eskolako umeek urteak daramatzate autobusek eragiten duten arriskuarekin eskolara sartzen. Hori dela eta, ez dira gutxi izan azken hilabeteetan sarrera eta irteera orduetan autobusen trafikoa mozteko guraso elkarteak aurrera eramandako ekimenak. Gaur bertan, arratsaldeko 16:30ean kontzentrazioa deitu dute eskolako atarian.
Hemen gaurko irudiak. Argi ikusten da egoeraren arriskua baina badirudi istripu larri bat gertatu arte @bilbao_udala k ez duela neurririk hartuko! #Atxuri #Bilbo pic.twitter.com/TyPk0nsVzt
— AitziberIbaibarriaga (@AitziIbaiba) September 8, 2020
Eskolako guraso batek Twitterrean argitaratutako bideoan ikus daitekenez, jende asko pilatzen da Maestro Garcia Riveroko eskolaren atarian, sarrera zein irteera orduetan hain zuzen. Ezpaloi estuak eta autobusen zein tranbiaren trafikoak eskolara bertaratzen diren ume zein gurasoen segurtasuna arriskuan jartzen dutela azpimarratu dute, eta konponbide bezala, udaltzaingoa bertaratzeko eskaera edota une horretan trafikoa mozteko eskaera aurkeztu zuten Bilboko Udalean irailean.
Egoerari aurre eginez eta Bilboko Udalak erantzun bat eman arte, eskolako gurasoak dira umeak segurtasun osoz eskolara sar daitezen errepidea mozten ari direnak, bideo honetan ikus daitekenez.
Gaur trafikoa gelditzea lortu dugu #AtxurikoEskola -ko sarreran. @bilbao_udala -k irtenbide bat eman arte, hor izango gara. #askida https://t.co/9boNUkCM97 pic.twitter.com/KtIgXQAl9l
— Amaia Bacigalupe (@AmaiaBacigalupe) September 9, 2020
Erantzun ezaren aurrean, gaur berriz ere elkarretaratzea egingo dute, eskolako umeen segurtasunaren alde.