'Ibilian-ibilian etxerako bidean' lelopean manifestazioa deitu du Sarek Gipuzkoako hiriburuan datorren larunbatean. Presoen etxeratze prozesuaren "bigarren aroari bultzada emateko" helburuarekin mobilizatuko dira, hauen arabera "presoen gaia erdigunean jartzeko beharra dagoelako".
Donostiako mobilizazioa zabaltzen jarraitzeko asmoz, bihar eguerdiko 13:00etan Plaza Barrian elkartasun mosaikoa osatuko dute.