uriola.eus

San Frantziskoko polizia-gehiegikerien aurrean, Zabala, San Frantzisko eta Bilbo Zaharrako taldeen koordinakundearen irakurketa

  Jendartea  Bilbo Zaharra

Joan den matxoaren 29an Ertzaintzak San Frantzisko auzoko bi lagunei eraso egin eta segituan atxilotu zituen. Inguruko bizilagunek leihoetatik, poliziaren jarrera gogor salatu zuten. Bi aste geroago, Ertzaintzaren isunak jaso dituzte eraso hura gaitzetsi zuten hainbat bizilagunek, protesta egiteagatik. 

Gertakariaren aurrean, San Frantzisko, Zabala eta Bilbo Zaharrako taldeen koordinakundeak "tratu txarrez gain poliziaren mendekua" pairatzen ari direla salatu dute. 

Polizia jarduna oztopatzea, irainak, publizitatedun irainak eta irudien zabalkudea arguditatuta, azken bi aste hauetan Ertzaintza dozenaka bizilagunen etxebizitzetara hurbildu dela adierazi du ohar baten bidez koordinakundeak, "balkoietara ateratzeagatik eta pertsona guztien giza eskubideak defendatzeagatik" isunak jaso dituztela argitu du. Egoera kontuan hartuta, bai atzoko polizia sarekadak baita azken asteotako etxebizitzetan eman diren egoerak "herritarrak beldurtzeko politikari" erantzuten dioten jardunak baino ez direla azpimaratu dute bereziki "publiko egin diren salaketen aurrean mendekatzeko politikari". 

Honen aurrean, Eusko Jaurlaritzako segurtasun sailburuari baita Bilboko Udaleko Segurtasun Zinegotziari egoera ikertzeko eskatu diote, batetik berriro gerta ez dadin, eta bestetik, beharrezkoa balitz prebentzio- eta zehapen-neurriak ezarri ditzan. 

Irakurri oharra osorik hemen

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa