Sarean espazioa (Mariaren Bihotza plaza), Bilbo Bilbo Zaharra
Gazte Prekarizatuen Eragin Asanbladak antolatutako hitzaldi zikloaren baitan, gaur arratsaldean San Frantzisko auzoko Sarean espazioan (Mariaren Bihotza plazan) gazte migranteen prekarizazioa jorratuko dute.
18:30ean hasita, Eragineko kideak eta Erregularizazioa Orain! plataformako Ermidio Figueiredo arituko dira hizlari gisa.
Datorren asterako beste hitzordu bat ere antolatu dute. Astelehenean izango da, 19:00etan Erronda kaleko Zirika! gunean, Gazte prekarizazioa eta osasun mentala izenburupean.