AZET Etxebizitza Sindikatuaren II. urteurrena ate joka

Etxebizitzak defendatzen bi urte daramatela ospatzeko bi eguneko egitaraua prestatu du sindikatuak. Hilaren 17an eta 18an, mahai-inguruak, bisitak, ekitaldi politikoak eta ospakizuna girotzeko musika egongo dira Santiago plazan eta Bilbo Zaharreko plazan.

Etxebizitzak defendatzen, klase kontzientzia hedatzen, herri boterea ereiten eta borrokan bi urte daramatela ospatuko du AZET Etxebizitza Sindikatuak asteburu honetan. Ekainaren 17ko 19:00etan hasi eta 18ko 21:30ean amaituko da urteurrena. 

Santiago Plazan izango dira ostiraleko bi ekitaldiak eta 19:00etan izango da lehen ekintza. Jule Goikoetxea eta Ekaitza Cancelarekin batera, mahai-ingurua egingo da: "Bilbo eskaparate-hiria: hiri kapitalistaren eraikuntza eta erresistentziak". Horren ostean gaua girotzeko kalejira musikatua egingo du sindikatuak 21:00etatik aurrera Alde Zaharretik. 

Larunbata ekintzaz beterik egongo da eta 11:00etatik 13:00etara "Bilbo zaharra, un barrio en movimiento" bisita historikoa eskainiko du Bilbo Zaharreko memoria taldeak. Izena emateko bzmemoria@gmail.com helbidera izena eta telefonoa bidali behar da. Bisitaren ostean bazkari herrikoia prestatuko dute AZET-eko kideek Bilbiko plazan. Mehatzari, Xake eta Jade tabernetan erosi daitezke tiketak 8€-tan eta murriztua 3€-gatik. Postrea bingo musikatuarekin girotuko da.

Arratsaldez musika jarraituko du. Acido Folklorico taldeak dantzan jarriko ditu bertaratutakoak "elkarrekin dantzatzen duen herriak ez baita inoiz hilko", AZET-ek aipatu duen moduan. Horren ostean ekitaldia politikoa prestatu dute 21:15etan eta azkenik egitarauarekin amaitzeko Dj Fabulos arituko da reggae, dancehall eta afrobeat soinuekin.