Gau Irekiak bere 12. edizioa ospatuko du, abenduaren 16an

uriola.eus 2023ko aza. 28a, 12:51
Aurreko edizio bateko argazkia. Iturria: gauirekia.com

Sarean Kultur Elkarteak antolatutako kultur-jaialdiak artez beteko ditu San Frantzisko, Bilboko Zaharra eta Zabala auzoetako hainbat gune.

Abenduaren 16an ospatuko da Sarean Kultur Elkarteak antolatutako ‘Gau Irekia’-ren hamabigarren edizioa. Kultur-jaialdia San Frantzisko, Bilbo Zaharra eta Zabalako hainbat gune, kale eta plazatan eramango da aurrera.

Auzo Garaietako “aberastasun kulturala” ospatzeko jardunaldia da honakoa, testuinguruko hainbat eragile sozial eta kulturalen parte-hartzearen bitartez sortutakoa. Horretan, aipatutako auzoetako kaleak eta espazioak artez eta kulturaz beteko dira arratsaldetik gauera arte.

Hamabigarren edizio honetan, gaua izango dugu protagonista. Programan 55 proposamen inguruk parte hartuko dute aurreikusitako 47 espaziotan zehar. Horien artean, dantzak, kontzertuak, ekintza perfomatiboak, etab. izango dira.