Gaur 19:00etan inauguratuko dute Ane Rodriguez eta Josu Ximun Billelabeitia Arte Ederretako ikasleek Deustuko zubiko etxolarako espresuki prestatu duten "Kea" izeneko lana. Uztailaren 20ra arte egongo da ikusgai. Beraz, Deustuko zubia gurutzatzean altxa burua eta etxola barrura begiratu falta barik.
ESKU-HARTZE ARTISTIKOAK DEUSTUKO ZUBIAN
OBRA: "KEA"
ARTISTAK: Ane Rodriguez eta Josu Ximun Billelabeitia
Ospe edo izen handiko museoak, hezkuntzarako egoitzak (publiko zein pribatuak), energía enpresen egoitzak edo merkatal zentruak dira Deustuko zubiaren inguruan aurkitu ditzakegun erakundeetako batzuk. Garapen industrialerako erreferente izan zen zubia, bigarren planoan geratzen da gaur, Bilbo garaikide eta konpetitibo honen publizitate gako diren erraldoien artean. Turistak irabazteko, hirien arteko lehia haunditu egin da, eta honek bisitari eta hiritarrenganako, hiri-itxura aldaketa suposatzen du. Askotan egoera erreala ezkutatzen diguten su artifizialen kea. “Garia eta maria” hau da, kea.