Oraingo honetan ekarri dogun argazkia 4. Korrikakoa da, 1985eko ekainekoa.
Bertan euskaltzaleak harrera egiteko zain dagoz Santutxu kalean egoan tailerraren inguruan. Tailerra gaur egun Kutxabankeko bulegoa dagoen lekuan egoan. Zenbaitek buruan edo soinean daroate garaitsu hartan Cocherito de Bilbao kalean prestatzen ari ziren komisaldegiaren aurkako aldarria, “Komisaldegia? Ez, eskerrik asko” esaten ebana.
KORRIKA 18
Mahatserrira martxoaren 21ean iritsiko da KORRIKA 18, arrats-gau aldera. Bilbora Enekuritik sartuko da 17:30ean eta, Bilboko erdigunea zeharkatu ondoren, aldapan gora Mahatserrira 18:30ak aldera iritsiko da.
Unez une jarraitzeko
18. Korrikako arduradunek hiru zatitan banatutako mugikorrentzako aplikazioa aurkeztu dute. Beraien webgunean (www.korrika.org) jaitsi daiteke eta hiru aukera ematen ditu: Korrikaren webgunean dagoen agenda kontsultatu; Korrikaren egoera ikusi, hau da, korrikalariak herri jakin batetik noiz pasako diren jakin ahal da; eta ibilbidearen mapa ere hor egongo da, erabiltzailea non dagoen eta Korrika non dagoen ikusiz. Joko bat ere egin du Akting enpresak.
Mugikorretarako aplikazioa Korrika transmedia elkarlanaren aurkezpenean eman zuten jakitera, atzo. Bertan EHUko Multimedia masterreko ikasleekin elkarlanean hainbat proiektu gauzatu dituztela azaldu zuten, hala nola, suspentse bideo bat. Era berean, duela bi Korrika egin bezala ETB 3k egunero saio berezia egingo du eta Hamaika Telebistan ere gunero egingo dute saio berezi bat. Hamaikako Naroa Iturrik esan zuenez, elkarrizketa bereziak, Korrikaren bitxikeriak eta abar ikusi ahal izango dira. Bigarren aldiz egingo dute Hamaikan eguneroko saio berezia.
INFO + KORRIKA